آنا

آنا

بیر گئجه آلدیم الیمه، قلم کاغاذی

سئوگیدن یازماغا، ماراغیم گلدی

بیر جیر جیر اوخوردو، گئجه ماهنیسین

آجی لارا بیر مزار، قازماغیم گلدی

اوتوردوم دیواندا، آچتیم دفتری

آیریلیق شعریمی، پوزماغیم گلدی

باجادان بیر ایشیق، سریلمیش یئره

آنامین آغ اوزون، گؤرماغیم گلدی

آنامین دیزینه، باشیمی قویوب

دونیانین فیکرینی، آتماغیم گلدی

یئرین آت قاتیندا، اونون یانیندا

هئچ اولمازسا بیر آن، یاتماغیم گلدی

او گئدن یوللارین، ایین قوخلاییب

او اوچان بیر یئره، اوچماغیم گلدی

فیکریمه گلدیقجا، آیریلیق گونو

بولود تک چاخناییب، یاغماغیم گلدی

او یاتان مزاردا، اونو یانیندا

حیاتدان آیریلیب، اؤلماغیم گلدی

وقتي كه تو رفتي

...

سن او یانا؛

پاییز گلدی.

قارقالار دولوشدو

کوچه میزین یوخوسونا.

و، قورویوب تؤکولدو

بوتون سارماشیق بوتالاری...

بیلیرم؛

سحرلریم آلما قوخومایاجاق داها

و، قوشلارین خاطیره سی

دیغلاداجاق منی...